Dokumentazio Judizialeko Zentroa (Dojzen) Botere Judizialaren Kontseilu Nagusiaren organo teknikoa da, eta jurisprudentziaren argitalpen ofizialez arduratzen da, bai eta dokumentazioaren eremuko eta jakintza kudeatzeko zerbitzuen eremuko gainerako eskumenez ere. Karrera judizialeko kideei laguntza eta informazioa emateko zerbitzuak ere eskaintzen ditu, jarduera judizialean erabiltzen diren dokumentu-iturri guztiak eskura jarrita.
Dojzen-ek lege-ekosistemaren eskura jartzen du Espainiako auzitegiek sortutako jurisprudentzia, eta epaietan jasotako datu pertsonalen pribatutasuna babesten du halaber.
Dojzen-ek Datuak Babesteko Legea bete behar du, eta legezko informazio-zerbitzua eman behar du ahalik eta berme handienarekin, bai argitaratzeko azkartasunari dagokionez, bai emaitzen kalitateari dagokionez.
Serikatek katalogazio- eta anonimizazio-prozesu automatizatua egiten du, hau da, datuen titularra bereizi egiten da epaietan jasotako informaziotik. Eta hori irakurgarritasun, koherentzia eta sendotasun osoz.
Orain arteko emaitza: 6 milioi ebazpen baino gehiago aztertu dira —egunean 1.500— eta 70 milioi orri baino gehiago anonimo bihurtu, % 99tik gorako asmatze-mailarekin.
Horrela, ebazpen judizialak irekian argitara daitezke, agintaritza judizialak gardentasunaren printzipioa betetzen baitu, pertsonen intimitatea erabat errespetatuz, baina epai judizial bakoitza guztiz irakurgarria eta ulergarria izan dadin saiatuz betiere.
